WIEËRTER
VASTELAOVENDJLIDJE 2020

Winnaar van ’t Wieërter Vastelaovendj Lidjesfestival, dae titel ging dit jaor nao de Lèste Drej. Met ’t lidje ‘Waat és dit sjiek’ haaldje ze ’t mieëst aantal peunte um de titel Wieërter Vastelaovendjlidje 2020 inne wacht te sleipe. De meziek és van Jos van Doeëre en de tekst van Jos en Joerik van Doeëre. De clip stieët inmiddels online zoeëdet vae straks in fibberwari allemaol mej kinne zînge!

Koeplet
Kiektj ’s um uch haer dan zeeje waat d’r heej gebuuërtj
Zingtj ’s lekker mej d’r és toch neemes dae uch huuërtj

En zeeje good verklédj, wétj nemes wi-jje hétj
Dan laotj uch gaon, haotj uch neet in,
blieftj dao neet staon, allein dao achterin

Refrein* 
Want ’t és heej fieëst, dit és zoeë schoeën
Waat és dit sjiek
Hieëlemaol te gek, boetegewoeën
Ao minse kiek, waat és dit sjiek
Waat és dit sjiek

Koeplet
Dînktj mer neet aan later, noow és woeë ’t heej um gieët
Later és ’t straks pas as det noow neet mieër bestieët

En veuldjae uch heej thoês en wildje neet nao hoeës
Dan laotj uch gaon, haotj uch neet in,
blieftj dao neet staon, allein dao achterin

Refrein
Want ’t és heej fieëst, dit és zoeë schoeën
Waat és dit sjiek
Hieëlemaol te gek, boetegewoeën
Ao minse kiek
Zoeë gewêldjig good, dit és de kroeën
Waat és dit sjiek

Want straks és ’t gedaon, zuldjae heej neet mieër staon
Noow laotj uch gaon, haotj uch neet in,
blieftj dao neet staon, allein dao achterin

Refrein* 3x

Tieëgemelodie 2x
Waat és dit goôd, waat és dit fein, waat és dit…, waat és dit sjiek

Slot
Waat és dit sjiek
Waat és dit sjiek
Waat és dit sjiek!